Nagelsmann nuk fshihet: Besoj se mund të fitojmë Championsin!

Bayern Munchen fitoi 3-0 ndaj Barcelonës mbrëmjen e kaluar në Champions, e mbylli fazën e grupeve me 18 pikë të plota. Bavarezët triumfuan me të njëjtin rezultat si në “Camp Nou” dhe cilësohen si një nga ekipet favorite për fitoren e turneut më të rëndësishëm për klube. Trajneri i kampionëve të Gjermanisë, Julian Nagelsmann është shprehur se skuadra e tij e ka për detyrim që të jetë si favorite deri në triumfin final

“Ne e kemi detyrim të jemi favoritë, kemi një dëshirë të madhe për të fituar këtë kompeticion. Jemi në rrugën e duhur, duhet të vazhdojmë kështu përpara. Ka rëndësi të madhe të mbajmë të njëjtin nivel dhe ritëm, unë kam shumë besim se mund t’ia dalim të fitojmë Champions League”, deklaroi Nagelsmann.