Napoli arrin akordin me Simeonen, mungon vetëm firma

Giovanni Simeone me shumë mundësi në sezonin e ri do ta shohim te skuadra e Napolit. Të Kaltrit kanë bërë hapa konkretë përpara për të marrë shërbimet e 27-vjeçarit, që përgatitet për të luajtur sezonin e 7 në Serinë A, këtë herë në një ekip që pretendon të arrijë minimalisht zonën Champions.

Sipas mediave italiane, Napoli ka arritur marrëveshjen me sulmuesin dhe po negocion me klubin e Veronës, që synon të arkëtojë sa më shumë para nga kartoni i argjentinasit.

Simeone pritet të jetë zëvendësuesi i parë i Osimhen dhe pas transferimit të tij në Napoli, ndërkohë që Andrea Petagna pritet që të largohet.