Napoli është i pandalshëm, fiton me përmbysje ndaj Atalantës dhe blindon kreun (VIDEO)

Napoli nuk ka ndërmend të ndalet këtë sezon në Seria A. Skuadra e Spalletit edhe pa Kvaratskhelia, ka arritur që të marrë një fitore të madhe 2-1 me përmbysje ndaj Atalantës.

Vendasit kaluan të parët ne avantazh me një penallti të ekzekutuar në perfeksion nga Lookman në minutën e 19-të. 4 minuta më pas Osimhen korrigjoi gabimin në shkaktimin e 11-metërshit, duke realizuar me kokë.

Në minutën e 35-të, pas një kundërsulmi të shpejt, Eljif Elmas arriti që të realizonte. Në pjesën e dytë, Napoli administroi rezultatin dhe tashmë ngjitet në kuotën e 35 pikëve në krye të renditjes, 8 më shumë se Atalanta. /R.Lika-Koha Jonë/