Napoli i Contes është i pandalshëm, mund Milanin në “San Siro”

Napoli vijon formën fantastike në kampionat, duke koleksionuar suksesin e radhës, këtë herë kundër Milanit në “San Siro”. Skuadra e Contes arriti një fitore 2-0 në transfertë, duke zhvilluar një tjetër ndeshje mjaft të mirë.

Lukaku zhbllokoi ndeshjen që në minutën e 5-të me një lëvizje të bukur, ndërkohë që Kvraratskhelia realizoi të dytin në fundin e pjesës së parë me një goditje nga distanca.

Milani u mundua të reagonte, madje shënoi me Moratën, por spanjolli ishte në pozicion të parregullt. Napoli i Contes me këtë fitore shkëputet ndjeshëm në krye me 25 pikë, me 7 më shumë se Inter dhe 8 më shumë se Juventus. Milani mbetet në vendin e 8-të me 14 pikë. /R.Lika-Koha Jonë/