Napoli uron Rejën për ngjitjen në Ligën B me kuqezinjtë

Edoardo Reja e ka drejtuar Napolin nga viti 2005 deri në 2009, një periudhë e mbushur me emocione për tifozët e kaltër dhe për vetë trajnerin i cili asnjëherë nuk e ka fshehur dashurinë që ka për këtë klub.

Pas suksesit që Reja pati me kombëtaren shqiptare në Nations League ku u ngjit në Ligën B ka ardhur edhe urimi i klubit të Napolit për trajnerin pasi të kaltrit e kanë ruajtur gjithmonë respektin për Rejan.

“Komplimente Mister Reja për ngjitjen në Ligën B të Ligës së Kombeve me kombëtaren e Shqipërisë”, shkruhet në postimin e Napolit në “Twitter”.