Naser Aliji të hënën merr pasaportë shqiptare, i gatshëm ndaj Armenisë

Presidenti shqiptar Bujar Nishani ka nënshkruar dekretin për dhënien e shtetësisë shqiptare për futbollistin shqiptar me origjinë nga Kumanova Naser Alij dhe ai do të jetë gati për ndeshjen e 29 marsit ndaj Armenisë. Naser Aliji, 20 vjeç,  ka prejardhje nga Kumanova, dhe është pjesë e ekipit të parë të Baselit që prej vitit 2013. Ai ka qenë pjesë e rregullt e përfaqësueses helvete të U-20, por nga tani e pas për kombëtaren A, Aliji ka zgjedhur Shqipërinë. Futbollisti, që është një produkt i akademisë së Basel, ka lindur në Nagushtak dhe sipas zviceranëve ai është frymëzuar nga shokët e skuadrës si Taulant Xhaka dhe Shkëlzen Gashi , që të refuzojë ofertën e Maqedonisë dhe të mos presë ndonjë oferta nga Zvicra, sepse të jesh pjesë e Kombëtares Shqiptare, e të dëgjosh thirrjet e tifozëve kuqezi “O sa mirë me qenë shqiptar”, është emocion që nuk duhet humbur nga asnjë futbollist me origjinë shqiptare.