NBA, LA Lakers fiton titullin e 17, LeBron James i bën 4
La Lakers është kampionja e re e NBA. Ekipi nga Los Angles triumfoi edhe në finalen e gjashtë ndaj Miami Heat me rezultatin 106-93 duke siguruar kështu edhe titullin e 17 në historinë e saj, duke barazuar kështu Boston Celtics.
Njeriu i sezonit për Lakers është pa dyshim ylli i skuadrës Lebron James, i cili u zgjodh edhe “MVP” e finaleve, Ai shënoi 28 pikë, 14 topa në tabelë dhe 10 asiste.
James bëhet kështu basketbollisti i parë në histori të NBA-së që është shpallur MVP i Finaleve me tre skuadra të ndryshme (LA Lakers, Cleveland Cavaliers dhe Miami Heat).
Ndërsa nuk duhet harruar se ky është titulli i katërt personal për të.
Kujtojmë se titulli i La Lakers vjen pak muaj pas ndarjes nga jeta të një prej legjendave të kësaj skuadre dhe basketbollit botëror, Kobe Bryant.
