Në Bjellorusi futbolli vijon normalisht, “e luftojnë” koronavirusin me sauna dhe vodka

Edhe pse janë regjistruar deri tani 51 raste me Covid-19, kampionati i futbollit të Bjellorusisë vazhdon rregullisht të luhet. Alexander Aleinik, shefi i zyrës së shtypit të Federatës ka shpjeguar se “vendimi për të luajtur rregullisht, e me publik, është marrë pas mbledhjes së të martës në video-konfernecën me UEFA.

Shumë kampionate janë pezulluar, ne ndërkohë fillojmë tani sepse sezoni ynë futbollistik shkon nga pranvera në vjeshtë”. Asnjë klub nuk ka patur probleme, e kështu do të nisim, pikërisht në kohën kur Rusia, për të parandaluar shpërndarjen e virusit, ka vendosur të mbyllë kufijtë me vendin fqinj.

Presidenti bjellorus Alexsandr Lukashenko, i njëjti që vite më parë donte të ndalonte martesat mes grave vendase e të huajve, i ka rekomanduar popullatës “të bëjnë sauna, të pinë shumë vodka e të punojnë shumë për të vrarë virusin në organizëm”.