Newcastle befason Tottenhamin në “frymën e fundit”, 4 pikë në 3 ndeshje (VIDEO)

Tottenhami i Jose Mourinhos është befasuar në sekondat e fundit të kohës shtesë në sfidën ndaj Newcastle, duke dalë vetëm me një pikë nga dueli i javës së tretë. “Spursat” u ndalën në rezultatin 1-1, teksa edhe në këtë sfidë Bale nuk ishte në dispozicion të ekipit.

Londinezët kaluan në avantazh që në minutën e 25-të me Lucas, që shfrytëzoi më së miri një pasim perfekt të Kane nga krahu i majtë. “Spursat” kontrolluan mjaft mirë ndeshjen, por nuk arritën të ruanin përqendrimin deri në fund.

Në minutën e 7-të shtesë, Dier prek një top me dorë brenda zonës, teksa për arbitrin Oliver kishte 11-metërsh. Nga pika e bardhë Wilson u tregua i saktë, duke mposhtur porierin Loris. Tottenham ka grumbulluar vetëm 4 pikë në 3 ndeshjet e para. /R.Lika-Koha Jone/