Newcastle ka gati një ofertë të çmendur për Vlahovic

Newcastle është skuadra më e re që kërkon të transferojë sulmuesin e Fiorentinës, Dusan Vlahovic. Për të mposhtur konkurrencën e skuadrave të tjera, drejtuesit e “Magpies” janë të gatshëm të bëjnë një ofertë shumë të lartë, që do ta detyronte klubin vjollcë të “dorëzohej” që në janar.

Presidenti i Fiorentinës, Rocco Commisso, ka kërkuar 80 milionë euro për lojtarit, të cilin është i gatshëm të lejojë të largohet në merkaton e verës. Gjithsesi në Angli nuk duan të presin kaq gjatë për shkak të formës së dobët që po kalon skuadra  ndaj e kanë rritur ofertën në 100 milionë euro.

Arsenali, Tottenhami, Manchester City, Juventusi apo Atletico e Madridit gjithashtu kanë shfaqur interes për 21-vjeçarin, por Newcastle për momentin është në avantazh për shkak të ofertës financiare.