Neymar ndez ëndrrat e tifozëve të Milanit: Dua të kem të njëjtën fanellë si Ibra!

“Pritshmëria më e madhe që kam për 2020 është të fitoj gjithçka që mundem me PSG e kombëtaren e braziliane. Dua të arrij në finalen e Champions e të vendos duart mbi Kupën e Amerikës”. Këto janë objektivat dhe dëshirat e Neymar për vitin 2020.

Braziliani në një intervistë të dhënë së fundmi ka rrëfyer gjithashtu se do ti pëlqente të luante përkrah legjendave si Zinedine Zidane e Romario, por ai ka ndezur edhe shpresat e tifozëve të Milanit duke thënë: “Do të më pëlqente të kisha të njëjtën fanellë me Zlatan Ibrahimovic”.

Neymar, të paktën për momentin, është shfaqur plotësisht i përqendruar në klubin e tij aktual, pavarësisht hipotezave të merkatos që tashmë prej vitesh e shoqërojnë në çdo sension transferimesh: “PSG ka mundësinë të fitojë Champions: Do të provojmë, 2019 ka qenë një vit plot dëmtime për mua, shpresojmë që ky të jetë plot suksese”.