Neymar “ndez” merkaton: Dua të luaj me Cristiano Ronaldon!

Neymar Junior së fundmi ka rinovuar kontratën me PSG-në, duke hedhur poshtë zërat për një kthim të mundshëm në Barcelonë. Cristiano Ronaldo ndërkohë ka ende një vit në kontratën e tij me Juventusin, por e ardhmja e tij është gjithnjë e më e pasigurt. Kjo është arsyeja se përse Neymar ka shprehur dëshirën që të luajë me të në të ardhmen.

“Unë dua të luaj me Cristiano Ronaldon, kam luajtur tashmë me lojtarë të tjerë të shkëlqyer si Messi dhe Mbappé, por nuk kam luajtur ende me Cristianon”.

Tashmë gjithçka do të varet nga PSG, që nëse dëshiron ta kënaqë “yllin” e tij, do të duhet të ulet rreth një tavoline me Juventusin për ta transferuar Ronaldon në Paris. Portugezi, nga ana e tij, në moshën 36-vjeçare, mund të vendosë të provojë një aventurë tjetër në një kampionat të ri, pasi ka luajtur në Premier League, La Liga dhe Seria A.