Nga shpëtimtar në magjistar, Flick synon edhe Championsin me Bayernin

Titulli i 8 radhazi mund të jetë fillimi, teka Hansi Flick mund të përsërisë me Bayernin tripletën historike të vitit 2013 të udhëhequr nga Yup Heynckes. Trajneri i ri, i cili zëvendësoi Niko Kovac, u mendua se do të ishte deri në fund të sezonit, por largpamësia e menaxherëve bavarezë çoi në zgjatjen e kontratës së tij.

Pas titullit, në 4 korrik është finalja e Kupës së Gjermanisë, ndërsa më pas takimi i kthimit në Champions League ndaj Chelsea, diçka formale duke parë se bavarezët kanë fituar 3-0 në takimin e parë në Londër. Skuadra gjermane shikohet tashmë si favoritja kryesore për trofeun prestigjioz, jo vetëm për forcën e saj, por edhe se e ka filluar sezonin para të gjithëve.

Mediat gjermane kanë nxituar të nxjerrin meritat e teksa, pasi erdhi si “i përkohshëm” u kthye në magjistar. Sipas tyre, Flick ka gjetur alkiminë e duhur me lojtarët, duke arritur të menaxhojë një grup që nuk është aspak i thjeshtë. Por, të gjithë janë të bindur se ndikimi më i madh është ai taktik. Duke rifilluar me skemën 4-2-3-1, skema me fat në vitet triumfuese të bavarezëve, lojërat më tërheqëse janë ato që lidhen me ndërtimin e manovrës, shfrytëzimin e krahëve duke përfshirë edhe trekuartistët.

Dy mesfushorët para mbrojtjes, Kimich, Thiago Alcantara dhe më pas Goretzka alternohen me njëri-tjetrin duke u shtrirë në thellësi. Nga krahët, Gnabri dhe Coman janë trashëgimtarët e Ribery dhe Robben. Të pakontrollueshëm në mbulimin një për një, Pavard në të djathtë dhe Davies në të majtë, zbulimi i sezonit.

Kryevepra e vërtetë është rilindja e Thomas Muller, që u kthye në nivelin e disa viteve më parë. Dhe në fund, Lewandowski që nuk ka nevojë për koment me 31 gola në Bundesligë dhe 45 në total. Kush kishte ëndrrën për të fituar titullin e këtij viti në Champions, do t’i duhet të bëjë llogaritë me favoritin real dhe kryesor të këtij sezoni jonormal.