Nga yll futbolli në ushtri, Son siç nuk e keni parë kurrë (FOTO LAJM)

Sulmuesi i Totenhemit, Son Heung-Min ndodhet aktualisht në ishullin Jeu të Koresë së Jugut, ku dhe po kryen shërbimin ushtarak të detyruar për burrat e vendlindjes së tij.

27 vjeçari është fotografuar i veshur me rroba kamuflazhi, në kokë mban një helmetë, armën e ka të varur në sup dhe ndjek rreshtin e ushtarëve.

I mësuar sesi të qëllojë në rrjetat e kundërshtarëve duke shënuar shumë gola, Son po mëson edhe sesi të qëllojë me një armë të vërtetë. Sulmuesi i Totenhemit përfitoi nga pezullimi i futbollit për të kryer shërbimin ushtarak të detyruar në vendlindjen e tij, që për të fatmirësisht do të zgjasë vetëm 3 javë.

Në fakt rregulli është që të gjithë meshkujt të kryejnë 21 muaj shërbim, por Son dhe skuadra e futbollit të Koresë së Jugut shpëtuan nga kjo periudhë e gjatë duke qenë se fituan Lojërat Aziatike 2018.