Nis shitja e biletave për finalen Kukësi-Egnatia, do të luhet më 14 maj në stadiumin “Air Albania”

Këtë të hënë, Federata Shqiptare e Futbollit njofton të gjithë sportdashësit se kanë dalë në shitje biletat për finalen e Kupës së Shqipërisë, Kukësi-Egnatia, që do të luhet më 14 maj në stadiumin “Air Albania”, në orën 19:00. Biletat mund të blihen në sportelin e biletarisë pranë stadiumit “Selman Stërmasi” dhe “Air Albania” ose në biletarinë online.