Një tjetër futbollist del pozitiv ndaj koronavirus në Gjermani, izolohet i gjithë klubi

Në Gjermani vijojnë të shtohen rastet e koronavirusit. Një prej lojtarëve të skuadrës së parë të Hertha Berlin ka rezultuar pozitiv, duke bërë që e gjithë skuadra të izolohet totalisht.

“Me rritjen e shpejtë të numrit të rasteve, ishte e parashikueshme që, herët a vonë, virusi do të arrinte në ekip. Gjëja më e rëndësishme është që tani të gjithë t’i respektojnë rregullat. Ne duhet ta pranojmë situatën ashtu siç është tani “, deklaroi Michael Preetz, drejtori i përgjithshëm i Herthas, i cili konfirmoi se të gjithë futbollistët  profesionistë tani do të qëndrojnë në karantinë për 14 ditë.

Sipas “Bild”’, Maximilian Mittelstwdt, mbrojtës 22-vjeçar, i cili është formuar në skuadrat zinxhir të Herthas, është futbollisti i infektuar nga Covid-19 në klubin e Berlinit. Ai nuk është i pari në Bundesligë, pasi Luca Kilian (Paderborn) gjithashtu rezultoi pozitiv.