Notat për miqësoren me Ukrainën, vetëm 3 lojtarë kalojnë “klasën”

Kombëtarja ka bërë një tjetër ndeshje shumë të dobët në miqësoren ndaj Ukrainës. Në humbjen 4-1, notat më pozitive shkojnë për Berishën, Ndojin dhe Lilajn, të cilët janë të vetmit që kalojnë “klasën”.

Berisha 6 – Bën të pamundurën edhe pse përpara tij askush nuk e ndihmon.

Hysaj 4.5 – Shumë i lodhur dhe nuk ka shumë dëshirë për të dhënë maksimumin pas një sezoni të gjatë me Napolin

Gjimshiti 4- Shumë pak siguri dhe për më tepër nuk arrin të koordinohet me tjerët

Mavraj 4 – ka një mungesë të theksuar organizimi dhe koordinimi

Veseli 4 – Trajneri provoi, por ashtu si dhe të tjerët dhe Veseli nuk e bën dot atë pozicion

Lilaj 5 – Një ndër më të mirët. U mundua të vendosë rregull në mesfushë, por më shumë se të ndërtonte ju desh të mbronte

Ramadani 4 – Fiton shumë pak dyluftime. Ndihet si i mpirë në fushë

Ndoji 5.5 – Edhe ndryshimi i pozicionit nuk i dha ndonjë avantazh mesfushorit shtatlartë. Goli rrit pak vlerësimin për të

Roshi 5 – Tentoi disa inkursione sporadike, por në asnjë rast nuk kishte mbështetje dhe pika kontakto për vazhdimësi

Lenjani 4 – I humbi fanella në pjesën më të madhe të lojës dhe humbi një mundësi të mirë shënimi

Manaj 4.5 – Shumë i vetmuar për të bërë sulmin, ndaj një mbrojtje të qartë

Zëvendësuesit: Qaka 4, Memolla 5, Balaj 4, Cikalleshi 4, Ajeti 4

Panucci 4 – Nuk e ka skuadrën nën kontroll dhe për më shumë nuk ka as edhe një ide se ai mund të luajë me këta futbollistë që ka në dispozicion