Nuk ka ofertë nga Barcelona, Dumfries mbetet pjesë e Interit

E ardhmja e Denzel Dumfries duket gjithnjë e më e lidhur me Interin. Sipas raportimeve të fundit nga gazetari i njohur Fabrizio Romano, pavarësisht se agjentët e futbollistit holandez e kanë ofruar te Barcelona, klubi katalanas nuk ka ndërmarrë asnjë hap konkret në drejtim të tij.

Në këtë fazë të merkatos, Barça është më e fokusuar në rinovimin e kontratës së Jules Koundé, një lojtar kyç për projektin e trajnerit Hansi Flick. Francezi ka kontratë deri në vitin 2027, por për të zmbrapsur interesimin e Manchester City-t, drejtuesit katalanas po punojnë për përmirësimin e kushteve ekonomike të mbrojtësit. Kjo strategji tregon qartë se Dumfries nuk është prioritet për momentin, edhe pse të dy luajnë në të njëjtën pozitë.

Ndërkohë, holandezi ka një klauzolë prej 25 milionë euro, e vlefshme deri më 31 korrik, por me kalimin e ditëve po bëhet gjithnjë e më pak e mundur që ndonjë klub të veprojë në kohë për ta përfituar.

Në mungesë të ofertave konkrete dhe me heshtjen e Barcelonës, Dumfries është gjithnjë e më pranë qëndrimit në Milano, ku pritet të jetë pjesë e skuadrës së Simone Inzaghit për sezonin e ri.