“Nuk pason dot as 5 metra larg”, koment i ish-mesfushorit të Liverpool për Salah

Futbolli është një sport që bëhet edhe nga numrat. Shifra të pakundërshtueshme. Don Hutchinson, ish-mesfushori i Liverpool në vitet 90, i sugjeron Klopp të mendojë ta ndryshojë Salah me ndonjë talent tjetër.

“Shoh si luan Salah çdo javë e numrat e tij janë të frikshëm. E sheh dhe ai bën gjëra gjeniale, por në gjërat bazë është shumë i dobët, e pabesueshme. Nuk arrin ta pasojë mirë topin as pesë metra larg, e mban shumë dhe kërkon ti kalojë të gjithë në anën e fushës ku ndodhet.

E nëse vjen nga e djathta drejt të majtës, mundohet t’ia pasojë sulmuesit, vetëm se në mes janë aq shumë kundërshtare, sa nuk do ti kalojë kurrë”. këto janë fjalët e Hutchinson për ESPN, që nuk ngjajnë aspak me një kompliment për egjiptianin.

Sipas ish-mesfushorit, Salah është i sakrifikueshmi në rast se tekniku i The Reds vendos të revolucionarizojë skuadrën.

“Ti e sheh të luajë Salah e mendon ‘ok, natyrisht është stërvitur e Klopp e stafi i tij janë munduar ta ndihmojnë’, por gjërat bazë i bën shumë keq. Pavarësisht kësaj, numrat e tij janë të frikshëm. Por nëse do të shitet dikush, mos më keqkuptoni, por të isha Klopp do e këmbëja Salah me Sancho-n”.