Nuk shënon prej 4 ndeshjesh, ky është dimri më i keq për Messin

Lionel Messi nuk shënon prej katër ndeshjesh në La Liga. Që nga goli i fundit kundër Granada, në ndeshjen e parë me në krye Quique Setien, argjentinasi ka provuar 31 goditje, 15 prej të cilave kanë qenë në portë.

Ecruia më negative daton në sezonin 2007./08 me 39 gjuajtje, 11 prej të cilëve në portë, gjatë 8 ndeshjeve. Kundër Getafes të shtunën, Messi tentoi në 6 raste, por vetëm dy ishin në kuadratin e portierit. 32-vjeçari gjithsesi regjistroi asistin e 12 sezonal për Griezmannn.

Messi gjithsesi qëndron në krye të golashënuesve në La Liga me 14 gola në 24 ndeshje, por ky është niveli i tij më i ulët që nga sezoni 2013/14. Messi këtë sezon nuk ka shënuar në plotë 10 ndeshje, 9 prej të cilave në La Liga.

Kjo do të thotë se ai nuk ka shënuar në 52 për qind të ndeshjeve në kampionat këtë sezon, që është dhe shifra më e lartë pas sezonit 2007/08, kur e kishte 71 për qind. Dimri i këtij viti nuk ka qenë aspak pozitiv për “pleshtin”. /R.Lika-Koha Jone/