Odise Roshi fejohet para ndeshjes ndaj Lituanisë (FOTO LAJM)

Odise Roshi i ka dhënë fund beqarisë. Futbollisti i kombëtares kurorëzoi mbrëmë me fejesë lidhjen me partneren e tij, Silvi. Fejesa është organizuar në prani të njerëzve të afërm.

Mesfushori nuk do të ketë shumë kohë për të festuar këtë moment të gëzueshëm teksa sot do të jetë i grumbulluar për sfidën e dytë të Ligës së Kombeve me Lituaninë.

Në konferencën e djeshme për shtyp, trajneri i Shqipërisë Edi Reja u shpreh se nuk ka ndërmend ta aktivizojë lojtarin e Akhmat Groznit si titullar për shkak të skemës, por në fraksionin e dytë pritet të ketë hapësira edhe për të.