Origi: Nder të jem pjesë e Milani, mezi pres të sfidojë Interin dhe Lukakun

Divock Origi ishte afrimi i parë i Milanit këtë verë. Sulmuesi belg do të kërkojë që të fitojë sa më shumë hapësira dhe të luajë në vazhdimësi. Origi u shfaq shumë i lumtur në prezantimin e tij, teksa  theksoi se mezi po pret përballjen me Interin dhe bashkëkombasin e tij, Lukaku.

“Për mua është një nder të jem pjesë e këtij klubi. Milan më ka dhënë ndjesi pozitive prej ditës kur u ndeshëm si kundërshtarë me Liverpool, kuptova historinë, kulturën dhe entuziazmin që i përfshinte të gjithë. Kur Milan shënoi gol ndjeva një lidhje të fortë mes lojtarëve, trajnerit dhe tifozëve.

Është diçka që më shtyu të zgjidhja Milan. Dua të jem gjithnjë gati, i dua shumë sfidat. Mezi po e pres përballjen me Inter dhe Lukakun. Ai është një lojtar i madh, një bonus për Serie A dhe do të jetë bukur të luaj kundër tij”, deklaroi Origi.