Panuçi e la jashtë listës, Agolli takon presidentin Meta

Trajneri i Kombëtares, Kristian Panuçi ka shpallur sot listën e futbollistëve për ndeshjen miqësore të 26 marsit ndaj Norvegjisë. Por lojtari i Qarabak ditën e sotme ka pasur një takim me Presidentin e Republikës së Shqipërisë, Ilir Meta.

Ai është takuar me Metën në Azerbajxhan ku Presidenti i vendit tonë ka qenë në një takim zyrtar.Ish-mbrojtësi i Tiranës ka postuar një foto në Instagramin e tij ku shkruan:

“Ishte kënaqësi e veçantë, ti dhuroja në mënyrë simbolike fanellën e skuadrës sime te Qarabak, si edhe t’i uroja mirëseardhjen në Baku, Presidentit të Republikës së Shqipërisë, Ilir Meta”.