Paratici: Ronaldo ndryshe nga të tjerët, Pogba futbollist i madh por …

“Do të jetë një merkato kreative dhe elastike”, kjo është përshtypja e parë e Fabio Paraticit, drejtorit sportiv të Juventusit për këtë verë në merkato. Në një intervistë për “Sky Sport” drejtuesit e ekipi torinez nuk kërkon të krijohen iluzione të kota.

“Pogba është një futbollistë i madh, por me sigurie që për këto tip futbollistësh është e vështirë që të gjesh fonde për t’i paguar. Në një botë ku ka reduktime të pagave, vështirë të bësh të tilla lëvizje.

Ronaldo? CR7 është një futbollist ndryshe nga të tjerët, është një brand që sjell të ardhura në mënyrë eksponenciale. Për të tjerë futbollistë me paga të larta është më e vështirë.

Chiellini dhe Buffon janë drejt rinovimit, por lajmërimi zyrtar është shtyrë për shkak të pandemisë. Edhe për Dybala-n janë ndërprerë komunikimet për rinovimit, por dëshira e tij dhe e klubit është që të qëndrojë sa më gjatë që të jetë e mundur. Rifillimi? Mezi po presim, por duhen respektuar edhe rregullat. Kemi futbollistë që janë të shqetësuar. Janë vendime të vështira për t’u marrë”, tha Paratici. /R.Lika-Koha Jone/