Partizani kryeson 1-0 me Tiranën, ndeshja ndërpritet për herë të dytë. Tifozët nuk përmbahen

Tifozët kanë kaluar çdo limit dhe kanë ndërprerë derbin për herë të dytë. Por ndeshja më e ndjekur e Superiores si gjithmonë nuk sjell vetëm një “Air Albania” të mbushur plot por edhe tensione mes tifozerive, përtej shakave dhe koreografive ngacmuese.

Ndeshja Partizani-Tirana është në rezultatin 1-0. Pavarësisht se në stadium nuk lejoheshin flakadanët dhe fishekzjarret, tifozët e dy skuadrave të kryeqytetit kanë hedhur kapsolla dhe shashka, duke bërë që e gjithë fusha të mbulohet nga tymi.

Të gjithë janë sonte në derbi. Edhe trajneri i Kombëtares shqiptare, braziliani Silvinjo është i pranishëm në shkallët e “Air Albania” duke ndjekur Partizani-Tirana.

Braziliani po vëzhgon nga afër lojtarët që janë kandidatë për të veshur fanellën kuqezi.