Partizani prezanton sot trajnerin e ri, një emër i njohur në futbollin shqiptar

Partizani ka zgjedhur trajnerin e ri pas largimit të Skënder Gegës. Klubi i kuq do të prezantojë Mladen Milinkovic si trajnerin e ri të skuadrës këtë të mërkurë, në orën 17:00, në ambientet e stadiumit “Arena e Demave”.

Trajneri serb nuk është një emër i panjohur për futbollin shqiptar. Ai ka një eksperiencë të mëparshme në Kategorinë Superiore, ku ka drejtuar ekipet e Luftëtarit dhe Kukësit, duke lënë gjurmë pozitive.

Milinkovic pritet të sjellë eksperiencën dhe filozofinë e tij të punës në një moment të rëndësishëm për Partizanin, që synon të rikthehet në garën për titull dhe të performojë në nivele të larta në Europë.