Partizani rikthehet te fitorja ndaj Vllaznisë, Kukësit ndalet ndaj Skënderbeut (VIDEO)

Partizani e ka mbyllur me një fitore minimale 1-0 ndaj Vllaznisë vitin 2019. Të kuqtë u rikthyen se sukseset pas 3 humbjeve radhazi, duke u afruar me kreun e renditjes.

Ndeshja do të vendosej nga një episod i minutës së 62-të. Pas një goditje nga këndi topi mbetet në zonë, atje ku Bitri përfiton më së miri për ta dërguar në rrjetë. Vllaznia kërkoi me ngulm golin e barazimit, por nuk do të ishin të qartë para portës.

Fiton Partizani, por ndalet Kukësi. Verilindorët nuk mundën të shkonin më shumë se një barazim 1-1 ndaj Skënderbeut. Bruno Dita befasoi ekipin e Duros në minutën e 32-të, ndërkohë që kundërpërjgigja e Kukësit erdhi me Rrocën në minutën e 60-të.

Skënderbeu mbeti me një lojtar më pak që nga minuta e 66-të pas ndëshkimit me karton të kuq të Asion Dajës, por Kukësi nuk mundi të shënonte një tjetër gol.