Partizani shkatërron Escaldes, kalon në turin tjetër të Conference League

Partizani ka siguruar një biletë për në turin e tretë të Conference Leage, pasi ka fituar pastër 4-1 ndaj Atletic Club D’Escaldes në “Air Albania”. Në fakt, të kuqtë e nisën shumë keq ndeshjen, me një gafë në mbrojtje, por sulmues mik nuk pati saktësinë për ta dërguar topin në rrjetë në minutën e katërt.

Në minutën e 28-të erdhi dhe zhbllokimi i rezultatit nga Cara, i cili shtyu në rrjetë topin e kthyer nga portierin pas goditjes së Mba. Tedi Cara realizoi golin e dytë në fundin e pjesës së parë, duke shmangur disa lojtarë në hyrje të zonës dhe më pas e dërgoi topin në cepin e portës.

Në minutën e 64-t erdhi edhe goli i tretë, që mban firmën e Rrapajt. Në fundin e takimit miqtë fituan një penallti, të cilin e kthyen në gol nga Lopes. Gjithsesi Partizani shënoi një tjetër gol me Eros Grezdës.

Në turin tjetër Partizani do të sfidojë ekipin Valmiera të Letonisë, dy ndeshje që do i luhet më 10 gusht në transfertë dhe më 17 në Tiranë.