Pep Guardiola i “fiksuar” me mesfushorin brazilian, City bën gati 100 mln euro

Bruno Guimaraes është dëshira e madhe e Pep Guardiolës për sezonin e ardhshëm. Trajneri spanjoll është një admirues i madh i mesfushorit brazilian, të cilin dëshiron ta ketë pjesë të skuadrës së tij.

Shtypi anglez shkruan se 53-vjeçari u ka kërkuar drejtuesve të Manchester Cityt të sakrifikojnë për të siguruar firmën me Guimaraes, por Newcastle kërkon 100 milionë euro për ta lënë të lirë 26-vjeçarin latin.

Për kartonin e të cilit pagoi 42 milionë euro te francezët e Lyonit në janarin e vitit 2022. Guimaraes është shndërruar në një nga pikat më të forta të bardhezinjtë të Eddie Howes.

City këtë shifër nuk e ka shumë problem, teksa kanë nisur nga puna për të gëzuar Pep Guardiolën. Vetë futbollisti pak ditë më parë ka shprehur dëshirën për të mbetur në Premier League për të ardhmen.