Përmbytjet, në rrezik ndeshjet çerekfinale të Kupës së Shqipërisë

Ndeshjet e para çerekfinaleve të Kupës së Shqipërisë mund të mos luhen në mesjavë, për shkak të përmbytjeve. Kushtet e këqija atmosferike dhe reshjet që vijojnë të bien në vendin tonë, kanë kërcënuar zhvillimi e ndeshjeve të Kupës, ku më në diskutim është ndeshja e planifikuar të luhet në Vlorë mes Flamurtarit vendas dhe Skënderbeut. Vllaznia pret Kukësin, në ndeshjen tjetër në “Loro Boriçi” , Tirana do të presë Apoloninë ë Peqin si dhe Partizani do të përballet me Teutën në Durrës. Në Federatën Shqiptare të Futbollit bëjnë të ditur se janë marrë masat e duhura që 4 ndeshjet e projektuara për t’u luajtur të mërkurën, që ato të zhvillohen sipas programit. Por nëse moti nuk premton për përmirësim të situatës deri të mërkurën dhe në këto kushte rrezikohet seriozisht zhvillimi normal i të katër takimeve. Nëse në Shkodër situata është e qetë nuk paraqitet e tillë në jug të vendit dhe më saktësisht sfida më e rrezikuar është ajo ndërmjet Flamurtarit dhe Skënderbeut.