Përrallat e mediave serbe: Plisat do të sulmojnë kapitenin Ivanoviç

Portali serb “Kurir” ka publikuar një mesazh në rrjetin social Facebook.

Në të shkruan se grupi i tifozëve shqiptarë “Plisat” është duke planifikuar të sulmojë nënkryetarin e Federatës së Futbollit të Serbisë, dhe kapitenin Branislav Ivanoviç.

Përmbajtja e mesazhit të publikuar, në gjuhën angleze. Kjo mbase për të tërhequr vëmendjen e medieve ndërkombëtare.

Ndoshta mediat serbe kanë nisur të xhelozohen se në “Elbasan Arena” prag-ndeshja Shqipëri-Serbi është kthyer në një ditë feste.

Atmosfera është krejt ndryshe nga prag-ndeshja e 14 tetorit, Serbi-Shqipëri kur serbët e kthyen atë në një takim prag-lufte.   

Ata harruan se “Ivani i Tmerrshëm” me shokë ndodhej atë natë në stadium dhe u fut lirisht në fushë, duke shkaktuar trazira, çka edhe solli humbjen në tavolinë të ndeshjes nga Serbia.