Pirlo i thotë të gjitha: Dybala s’është në merkato, ju tregoj bisedën me Ronaldon dhe Higuain!

Andrea Pirlo është gati për aventurën e re me Juventusin. Në konferencën e parë për shtyp, strategu i ri ka përsëritur se objektivi i tij i parë në skuadrën torineze është që të sjellë entuziazmin e munguar në muajt e fundit. Is-mesfushori i bardhezinjve foli dhe për takimin e parë me Ronaldon si dhe zërat për largimin e Dybala-s.

“Dua të sjellë entuziazmin që ka munguar në periudhën e fundit. Dua të sjellë një futboll sulmues. Dje u thash djemve se dua që të kemi gjithmonë topin dhe ta rikuperojmë sa më parë të jetë e mundur.

Takimi i parë me Ronaldon? Kemi folur disa ditë më parë në telefon për programin e rifillimit të stërvitjes. Jemi sqaruar si me të gjithë të tjerët. Në ditët në vijim do të flasim më shumë për aspektin teknik.

Dybala? Nuk ka qenë asnjëherë në merkato, për mua është një futbollist i rëndësishëm. Sapo të rikthehet do të jetë pjesë e projektit.

Higuain? E admiroj shumë si futbollist. Ai ka dhënë shumë për Juventusin, kemi biseduar dhe kemi vendosur që rrugët tona duhet të ndahen këtu. Me Khediran do të flasim në ditët në vijim, pasi tashmë është i dëmtuar”, deklaroi Pirlo. /Rozalb Lika-Koha Jone/