Pirlo nuk e bën dramë: Humbje që do të na shërbejë për t’u rritur!

Kundër Barcelonës erdhi humbja e parë si trajner për Andrea Pirlon. Bardhezinjtë u dorëzuan 0-2 ndaj Barcelonës në “Allianz Stadium” duke luajtur një ndeshje shumë të dobët, por strategu i ri nuk e bënë dramë.

“E dinim që do të ishte një ndeshje e vështirë, ata janë para nesh në përgatitje. Kanë futbollistë të mësuar me këto ndeshje, ndërkohë që ne jemi në ndërtim, do të na shërbejë për t’u rritur. Shpresoj që të kem sa më parë në dispozicion lojtarët e tjerë, tani jemi pak dhe nuk kemi shumë zgjidhje.

Mesfusha pika e dobët? Është pjesë e ciklit te Juventusit, tani ka futbollistë të rinj, duhet të luajnë më shumë ndeshje për të fituar eksperiencë. Duhet të punojnë dhe të përmirësohen për të luajtur si të barabartë ndaj Barcelonës. Në këtë zonë kemi lojtarë të rinj që mund të përmirësohen me kalimin e ndeshjeve. Kanë gabuar shumë në pasime”, deklaroi Pirlo pas humbjes ndaj Barcelonës. /R.Lika-Koha Jone/