Pirlo: Nuk firmos për barazim, kam mësuar shumë nga Conte!

Trajneri Andrea Pirlo doli në konferencë për shtyp për ndeshjen me Interit, ku sqaroi se pret një kundërshtar agresiv. Strategu i Juventusit iu kundërpërgjigj Contes me të njëjtënmënyrë, duke thënë fjalët më të mira për të.

“Nesër pres një Inter agresiv, i cili do të dëshirojë t’i japë ritëm lojës. Por ne jemi Juventusi dhe duam të shkojmë në Milano për të luajtur ndeshjen tonë. Do të përpiqemi të fitojmë, por nuk është thelbësore për kampionatin. Ne jemi të vetëdijshëm për forcën e Interit, por ne luajmë kartat tona.

Të dëmtuarit po stërviten në ekip, por ne po presim reagimet e tyre. Chiellini është mirë, i gatshëm dhe me energji, ai dëshiron të luajë, është një vlerë e shtuar për ne. Ramsey është mirë, ai nuk e ka problem dhe nesër mund të zbresë në fushë. McKennie nuk është ende 100% gati, por do ta kem në dispozicion, të shohim çfarë do ët ndodhë. Mungesa e De Ligt? Është lojtar i rëndësishëm, por kemi kampionë me shumë cilësi në atë rol.”

Conte? Kam mësuar shumë nga Conte, i jam mirënjohës, më bëri të dëshiroj të jem trajner. Ka një thellësi të madhe njerëzore, por nesër do të jemi kundërshtarë. Conte dhe unë jemi të ndryshëm, mbase kjo është arsyeja pse gjithmonë kemi kaluar mirë”, deklaroi Pirlo.