Plas në stërvitjen e Real Madridit, Xabi Alonso përjashton mbrojtësin: Mirupafshim!

Që në ditët e para si trajner i Real Madridit, Xabi Alonso ka vendosur rregulla të qarta: disiplinë maksimale dhe zero tolerancë ndaj sjelljeve të pahijshme brenda apo jashtë fushës.

Në njënga seancat e fundit stërvitore të madrilenëve ka shpërthyer një incident mes Antonio Rüdiger dhe Vinicius Junior. Gjithçka nisi pas një ndërhyrjeje të ashpër të mbrojtësit gjerman ndaj brazilianit, i cili reagoi me nervozizëm. Sherri kaloi në debat të ashpër verbal e shtyrje në fushë.

Alonso ndërhyri menjëherë duke larguar Rüdigerin nga stërvitja dhe duke e dërguar në shtëpi për të qetësuar gjakrat. “Mirupafshim”, mësohet të ketë thënë trajneri, sipas një burimi pranë klubit.

Ky veprim tregon qartë se trajneri spanjoll nuk bën përjashtime: kush nuk respekton rregullat, nuk ka vend në ekip, pavarësisht emrit apo statusit.

Pozita e Rüdigerit në klub ka ndryshuar ndjeshëm që nga ardhja e Alonsos. Nga i pazëvendësueshëm nën drejtimin e Ancelottit, mbrojtësi duket se nuk është pjesë e planeve të reja. Kontrata e tij skadon në qershor 2026, por Real Madrid tashmë ka vendosur të mos e rinovojë. /R.Lika-Koha Jonë/