Po bën xhiron e botës, shikoni si gëzohet shpërndarësi i picave kur dëgjon se Anglia ka shënuar (VIDEO)

Jo të gjithë e kanë mundësinë që t’i ndjekin ndeshjet e Kampionatit Evropian për shkak të punës që bëjnë. Shpërndarësit e picave për shembull janë një nga kategoritë që e kanë të vështirë të ndjekin ndeshjet nga fillimi deri në fund për shkak të punës së tyre.

Ditën e djeshme njëri prej tyre ishte i angazhuar në punë për të shpërndarë një porris në një familje në “Essex”, Anglia e tij po luante në shtesë kundër Danimarkës.

Tifozi u gëzua së tepërmi kur dëgjoi që pas derës britma se Kane arriti që të shënonte. Pamjet nga zilja e derës kanë bërë xhiron në rrjetet sociale. Kur i zonja e shtëpisë doli për të marrë porosinë ai e pyeti: “A shënoi Anglia?”.

Kur mori pohimin, i lehtësuar ai shtoi: “Falë Zotit”. Emocione në fakt që t’i falë vetëm futbolli, edhe kur nuk ke mundësinë ta shohësh me pamje. /R.Lika-Koha Jone/