Pogba del sërish në shitje, ja vlera që ka fiksuar United

Paul Pogba vijon të mbetet në qendër të vëmendjes së merkatos europiane. Futbollisti francez nuk është i lumtur me “Djajtë e Kuq” dhe ky nuk është më një lajm i ri.

27-vjeçari është objektiv i Zidane, por jo domosdoshmërish për klubin, që kurrë nuk e ka parë të qartë nënshkrimin e tij. Pogba ka një kontratë deri në vitin 2022 me United, është në merkato, sepse “Djajtë e Kuq” dëshirojnë ta shesin atë në verën e këtij viti dhe të rikuperojë një pjesë të 105 milionëve që pagoi në vitin 2016.

Çmimi fillestar i Pogba-së është 75 milionë euro, sipas “Daily Express”, që thekson se Real Madridi dhe PSG janë dy skuadrat më të interesuara për nënshkrimin e tij. Nuk duhet harruar as Juventusi, që herë pas herë ka shfaqur dëshirën për të ripasur në skuadër.