Presidenti i Interit: Messi nuk ka qenë pjesë e planeve tona!

Lionel Messi mori vendimin për të qëndruar te Barcelona, ​​të paktën deri në skadimin e kontratës aktuale, më 30 qershor 2021. Në verë një nga skuadrat pretendente ishte edhe Interi, por presidenti Steven Zhang, pranoi se argjentinasi nuk ka qenë kurrë një objektiv real i tyre në merkato:

“Jo, një investim i tillë nuk mund të jetë pjesë e projektit tonë. Të paktën jo në këtë moment. Inovacioni, planifikimi, rritja e vazhdueshme, stabiliteti ekonomik janë gurët e themelit tonë.

Duke ndjekur këtë rrugë, e cila përfshin planifikim afatgjatë, ne do të arrijmë rezultatet dhe qëllimet e planifikuara. Ne do ta rikthejmë Interin aty ku e ka vendin, qoftë në nivelet kombëtare, edhe ato ndërkombëtare”, deklaroi Zhang.