Presidentin e PSG-së e ngacmojnë për Messin, ja përgjigja befasuese

Presidenti i Paris Saint-Germain, Nasser Al-Khelaifi, foli në emisionin radio Touche Pas à Mon Poste, duke dribluar pyetjen në lidhje me një të ardhme të Lionel Messit në klubin francez: “Messi është një lojtar i Barcelonës. Unë nuk preferoj të flasim për këtë”.

Kujtojmë që ditët e fundit Neymar ka zbuluar dëshirën e tij për t’u rikthyer për të luajtur me argjentinasin, kontrata e të cilit me Barcelona skadon në 2021 dhe thashethemet në merkato tani e çojnë gjithnjë e më larg nga Katalonia.

Lionel Messi, sakaq, nuk ka vendosur ende mbi rinovimin ose jo. Në fakt, zgjedhjet presidenciale që zhvillohen në 23 janar do të jenë përcaktuese.