Pritej rikthimi te Juventusi, por Kean befason me ekipin e ri

Moise Kean nuk do ta shohim te Juventusi në sezonin e ri, por te PSG. Pavarësisht se bardhezinjtë prej javësh kanë bërë tentativa për ta rikthyer në Torino, në fund ai ka zgjedhur skuadrën parisiene. Bardhezinjtë i propozuan Evertonit huazim 2 vjeçar me detyrim blerje, ofertë kjo që u refuzua nga anglezët në momentin e fundit.

Evertoni ka arritur marrëveshjen me PSG-në, për kalimin e Kean në Francë, në huazim 1 vjeçar me të drejtë blerje në fund të sezonit. Te kampionët e Francës, Kean do të marrë vendin e Chupo-Mouting që përfundoi kontratën dhe është një hap larg kalimit te Bayerni.