Pritja merr fund, Briken Calja medalje bronzi në Botëror
Ishte thjeshtë formalitet por tashmë ka ardhur edhe zyrtarizimi. Shqipëria ka marrë një medalje bronzi nga Kampionati Botëror i Tajlandës me peshëngritësin, Briken Calja.
21 ditë pas mbylljes së kompeticionit më të rëndësishëm në Botë, Calja ka rezultuar i pastër në testet anti-doping dhe konfirmimi vjen nga vetë 29 vjeçari.
“Jashtëzakonisht i lumtur! Medalja botërore është e Shqipërisë, e shqiptarve dhe personalisht e imja. Ka kaluar çdo afat i mundshëm për të shuar dyshimin e mendjes më skeptike në lidhje me medaljen e Botërorit të Tajlandës. Çdo afat kohor për testet anti-doping ka përfunduar dhe mund të themi plotësisht të bindur që Shqipëria ka një medalje bronzi botërori të përfaqësuar nga Briken Calja,” –shkruan sportisti nga Shtërmeni në rrjetin social “Facebook”.
