Protesta e opozitës më 12 mars, rrezikon të shtyhet derbi Tirana-Partizani

Sporti E Diel, 18 Prill 2021 20:58

Derbi i kryeqytetit, Tirana-Partizani, rrezikon të mos zhvillohet në “Qemal Stafa”, për më tepër sikur stadiumi të jetë gati. Kjo ndeshje është shtyrë për këtë datë, pasi deri tani stadiumi kombëtar nuk ishte i gatshëm. Por më 12 mars, Partia Demokratike ka paralajmëruar një protestë dhe policia ende nuk ka marrë përsipër të garantojë mbarëvajtjen e ndeshjes derbi. Kësisoj, Tirana është në pritje, por nuk përjashtohet mundësia që kjo ndeshje të shtyhet për një ditë tjetër. Tirana fitoi 2-0 ndaj Kukësit në ndeshjen e javës së 26-të dhe është afruar pretendimeve për titull. Partizani humbi 1-0 në Shkodër, duke zbehur shanset në prag të derbit. Skënderbveu fitoi në Vlorë 1-0 dhe u ngjit në krye të klasifikimit, për herë të parë gjatë këtij sezoni.

Kategoria Superiore