PSG dominim total në pagat e kampionatit francez, ja shifrat e frikshme

Gazeta L’Equipe së fundmi ka zbuluar pagat e futbollistëve në Ligue 1. Paris Saint Germain është konfirmuar si dominuese me plotë 11 lojtarë.  Neymar mbetet “mbreti” me 3 milionë euro në muaj ose 28,5 në vit.

Braziliani është futbollisti që fiton më shumë para në fund të muajit në Francë me një cek të frikshëm prej 3,06 milionë, në podium edhe Mbappé (1,91 milionë) e Thiago Silva (1,5 milionë).

E ndjekin më pas Cavani, Marquinhos, Verratti, Di Maria, Navas përpara Mauro Icardi (800.000 euro) e Paredes. Duke patur parasysh sistemin e taksave franceze me 23%, O’Ney merr në vit 28,5 milionë euro nga Nasser Al-Khelaifi. Një rezultat i frikshëm ai i Psg që pastaj reflektohet gjithnjë në fushë, sidomos në kampionat.

Lojtari i parë në klasifikim nga një skuadër tjetër është Ben Yedder i Monaco (650.000 euro në muaj), I dymbëdhjeti. Fabregas (Monaco, 600.000 euro) i pesëmbëdhjeti, ndërsa Strootman e Payet, me 500.000 euro, janë lojtarët e parë në klasifikim të Marseille në klasifikim. Paga mesatare në Ligue 1 është prej 94.000 euro për lojtarë.