PSG i frikshëm me Mbappe, merr fitoren e dytë radhazi (VIDEO)

Nga dy humbje radhazi, në dy fitore radhazi. PSG duke se ka rigjetur ritmin e duhur në dy javët e fundit, teksa sot fitoi me lehtësi 3-0 në transfertën ndaj Nice.

Mbappe fitoi një penalti në minutën e 38-të, të cilën do ta kthente po vetë në gol. Në shtesën e pjesës së parë, Di Maria e pati shumë të thjeshtë për ta shtyrë topin në rrjetë pas një tjetër aksion fantastik të francezit.

Në pjesën e dytë, Marquinhos mbylli përfundimisht llogarit e ndeshjes duke shënuar me kokë. PSG ngjitet në kuotën e 6 pikëve pas 4 ndeshjeve të para, teksa ka ende shumë gjëra për të përmirësuar sezonin e ri. /R.Lika-Koha Jone/