Putin merr ndëshkimin e radhës, i heqin rripin e zi në Taekwondo

Rusia i shpalli luftë Ukrainës ndërsa trupat ushtarake janë në territorin ukrainas dhe kanë shkaktuar viktimat të shumta nga përplasja. Pjesa më e madhe shteteve të botës kanë marrë masa ndaj Rusisë dhe presidentit të saj Vladimir Putin, duke e penalizuar në aspektin ekonomik.

Një tjetër “dënim” për Putin ka ardhur së fundmi edhe nga ana e Organizatës Ndërkombëtare të Taekwondo e cila ka vendosur t’i heqë rripin e zi 69-vjeçarit si një ndëshkim mbi atë që po i shkakton Ukrainës.

“Ne dënojmë sulmet brutale të cilat kanë marrë jetë të pafajshme në Ukrainë të cilat shkojnë kundër vlerave si respekti dhe toleranca që organizata e Taekwondo përfaqëson. Mendimet tona janë për popullin ukrainas dhe shpresojmë për një zgjidhje sa më të shpejtë të kësaj lufte”, thekson Organizata Ndërkombëtare të Taekwondos.