Qazim Laçi në super formë, shënon nga goditja e dënimit në Çeki (VIDEO)

Qazim Laçi ishte më i miri në fushë në fitoren 4-1 të Sparta Prague ndaj Karvina në kampionat. Mesfushori i Kombëtares Shqiptare realizoi golin e dytë nga goditja e dënimit dhe dha asist në të katërtin.

Një paraqitje e shkëlqyer pasi krijoi dhe raste të tjerë të rrezikshëm dhe ishte i saktë në 90% të pasimeve të tij. Me këtë sukses Sparta Prague forcon pozitën në krye të renditjes me 44 pikë, 8 larg ndjekësit më të afërt.

Futbollisti i Kombëtares Shpresa, Arda Kurtulan ishte vendimtar në fitoren e arritur nga Adana Demirspor në Kupën e Turqisë. Këtë sezon 22-vjeçari po aktivizohet më shumë me ekipin e Superligës së Turqisë.