“Qëndroni në shtëpi dhe stërvituni si futbollistë profesionistë”, risia e klubit të La Liga

Qëndroni në shtëpi dhe stërvituni si futbollistë profesionistë. Një mënyrë shumë e mirë për të kaluar kohën. Klubi i La Liga spanjolle, Leganes ka gjetur një mënyrë krejt origjinale për të mbajtur në formë futbollistët e saj dhe tifozët në të gjithë botën. Lojtarët janë urdhëruar të qëndrojnë në shtëpi, ndërsa të gjithë ata stërviten në të njëjtën kohë on-line nga përgatitësi atletik i ekipit Pol Llorente.

Klubi spanjoll njofton se seancat stërvitore janë të aksesueshme për të gjithë. Kjo risi e detyruar nga masat sanitare kundër përhapjes së Coronavirus mund t’i vijë në ndihmë të gjithë njerëzve, në radhë të parë për të kaluar kohën dhe pse jo duke u stërvitur me profesionistë për të mbajtur trupin në formë.