Ragnick: Nuk mund të refuzohet United, s’kam parë asnjë si Ronaldo

Ralf Ragnick më në fund ka bërë prezantimin e tij zyrtar në një konferencë për shtyp te skuadra e Manchester United. Strategu i njohur me nofkën “profesori” do të qëndrojë në krye të skuadrës deri në fund të këtij sezoni, ndërkohë që më pas do të marrë rolin e drejtorit sportiv.

“Kur një klub si Manchester United të kontakton për një rol të tillë, nuk mund ta refuzosh. Marrëveshja është e qartë, jam në krye të ekipit për 6 muaj. Nuk kemi folur për më pas, por do të shohim.

Nëse më pas do më sugjerojnë që të bëj atë që kam bërë dhe te Leipzig, do të vazhdoj edhe për një tjetër sezon, por e gjitha për momentin është hipotetike. Ronaldo? Nuk kam parë asnjë kaë në formë në moshën 36 vjeç”, shtoi strategu gjerman. /R.Lika-Koha Jonë/