Rama poston foton nga zyrat e reja të FSHF, por gabon me një detaj  

Kryeministri Edi Rama ka publikuar në faqen e tij zyrtare në Facebook disa foto të zyrave të reja të Federatës Shqiptare të Futbollit. Ato janë ndërtuar në ish-shtëpinë e klubit të futbollit Dinamo, aty ku më parë ka qenë një kompleks i famshëm i sportit më popullor të shqiptarëve.

“Drejt përfundimit edhe shtëpia e re e Federatës Shqiptare të Futbollit dhe qendra stërvitore e Kombëtares kuqezi”, shkruan shefi i qeverisë, i cili ka bërë një gabim në postim.

Në një nga fotot e postuara nga Rama paraqet një punëtor, i cili nuk është i siguruar, edhe pse punimet në zyrat e FSHF-së vazhdojnë dhe ai është duke qëndruar mbi skela.