Ramos i dhuron Realit 3 pikët ndaj Getafes, shkon +4 nga Barcelona (VIDEO)

Real Madrid hedh një hap të rëndësishëm drejt titullit kampion në La Liga. Skuadra e Zidane fitoi me vështirësi 1-0 kundër Getafes në ndeshjen e vlefshme për javën e 33-të.

Goli i vetëm i ndeshjes u shënua vetëm 11 minuta nga fundi i kohës së rregullt. Carvajal u pengua brenda zonës, teksa arbitri nuk e mendoi dy herë akordimin e penalltisë.

Nga pika e bardhë Sergio Ramos me qetësin e tij vrastare arriti që të realizonte, ndërkohë që më pas imitoi Ronaldon në festimin e golit. Kjo fitore e mban Realin në krye me 74 pikë, 4 më shumë e Barcelona e vendit të dytë, kur kanë mbetur edhe 5 javë nga fundit. /R.Lika-Koha Jone/